Пандев: На Елмас му е подобро во Серија А отколку во Бундеслигата!

12 февруари 2025 - 09:39

Македонската фудбалска легенда, Горан Пандев во интервју за „Радио Лацијале“ зборуваше и Елиф Елмас кој се врати во Серија А по неуспешната авантура во Лајпциг.

Германскиот клуб го купи Елмас за 25 милиони евра од Наполи, но македонскиот фудбалер не се снајде во Германија и се врати во Серија А каде потпиша на позајмица за Торино.

„Елмас во Торино? Тој направи добро што се врати во Италија, мислам дека повеќе му одговара Серија А отколку Бундеслигата“, рече Пандев за Елмас.

Пандев рече и дека за македонските фудбалери е потешко да потпишуваат за италијанските клубови бидејќи се водат како фудбалери кои не се во ЕУ. Тој смета дека во моментов немаме млади играчи кои се подготвени да заиграат во Серија А.