Милевски ги одбра фудбалерите за Летонија и Фарски – повика двајца дебитанти!
Станува збор за голманот Марко Алчевски и за Бехар Фета, а тука е и Сефер Емини, кој претходно бил повикуван и за кого изминатиов период интерес имаше и од селекцијата на Албанија, но кој се уште нема официјален настап за жолто-црвената селекција. На списокот се и интернационалците Бојан Миовски и Кристијан Трапановски, за кои се стравуваше дека нема да може да играат поради повреди од последните средби за своите клубови – Жирона и Данди Јунајтед.
Македонија и пред овие средби речиси го има забетонирано првото место во групата, кое гарантира промоција во повисок ранг (Б) од Лигата на нации, но ќе бркаме две победи со цел да дојдеме до шанса за место во баражот за пласман на Мундијалот за две години во САД, Канада и Мексико.
