Тијаго Силва со треперлив глас и солзи во очите се збогуваше со навивачите на Челси! (ВИДЕО)

29 април 2024 - 12:22

По четири години поминати на Стемфорд Бриџ, Тијаго Силва го напушта Челси, бразилскиот дефанзивец со големи емоции испрати видео порака до фановите.

39-годишниот Тијаго Силва си заминува од Челси, клубот со кој ја освои Лигата на шампионите во својата прва сезона и каде што за брзо се промовираше како лидер во тимот.

Тој преку социјалните мрежи на Челси со емотивно видео се збогува од фановите. Кажа дека многу му значи клубот и се надева дека во иднина ќе се врати во друга улога на Стемфорд Бриџ.

Неговите синови тренираат во Челси и изрази надеж дека ќе останат во клубот и ќе продолжат да напредуваат таму.

Рече дека кога пристигнал во Челси очекувал да се задржи една сезона, но сега си заминува по четири години. Му се заблагодари на клубот, а посебна благодарност искажа до Френк Лампард.

Посебно го истакна освојувањето на Лигата на шампионите, тоа за него е остварен сон од детството.