Шевченко брзо си најде нова работа - повторно ќе биде селектор

27 јануари 2022 - 14:24

Андриј Шевченко можеби со успех ја предводеше Украина од селекторската позиција, но имаше ужасен старт на клупската кариера како тренер на Џенова, каде оствари само една победа, три ремија и седум порази.

Брзо беше отпуштен поради очајните резултати, па украинската легенда сега повторно ќе и се врати на селекторската работа. Според „ЕСПН“, Шевченко би требало да биде нов „кормилар“ на репрезентацијата на Полска.

Шпекулациите велат дека помошник на поранешниот голгетер на Милан ќе му биде полската легенда Јержи Дудек. Голманот беше ноќна мора на Шевченко во финалето во Лигата на шампиони во 2005 година, кога му одбрани пенал и му ја донесе титулата на својот Ливерпул.