„Секој ден умираат илјадници деца, но не добиваат внимание како Астори“

Бразилецот зборуваше за вчерашниот трагичен настан на прес-конференцијата на ПСЖ пред утрешната пресметка со Реал Мадрид во Лигата на шампиони.

„Ние не сме премногу потресени, бидејќи не го познававме добро“, изјави Алвеш. „Жал ми е за неговото семејство. Мислам дека Давиде направи сè што можеше во овој хаотичен свет и сега е на подобро место. Но како и да е, во светот секој ден илјадници деца умираат, но не го добиваат ова внимание, а тие исто така се важни. Сите ние кога - тогаш треба да умреме, бидејќи тоа е нешто нормално. Ние сигурно сме тажно, но не како неговото семејство“, истакна Бразилецот.