ПСЖ одби да плати 55 милиони евра, ќе оди на суд со Мбапе!

12 септември 2024 - 20:24

Раководството на француската Лига 1 реши дека ПСЖ мора да му исплати 55 милиони евра на Килијан Мбапе за плати и бонуси, меѓутоа шампионот нема намера да го исполни барањето и правдата ќе ја бара на суд.

ПСЖ му должи плати на Мбапе за неколку месеци, а воедно не му се исплатени ниту бонусите и очигледно така ќе остане сè додека не биде донесена конечна одлука на суд.

„Ги слушнавме аргументите на комитетот која постојано инсистираше на договор меѓу ПСЖ и фудбалерот. Комитетот имаше лимитиран поглед на работите и затоа правдата ќе ја бараме на суд каде што ќе ги презентираме нашите докази“, кажале од ПСЖ за медиумите.

Мбапе одигра 308 натпревари за парижаните, а притоа постигна 256 голови и 108 асистенции.