Проблеми за Флик: Барселона дозна колку време ќе паузира Јамал

12 ноември 2024 - 17:39

Еден од најталентираните фудбалери на Барселона, Ламин Јамал се повреди и го чека пауза од три недели, односно се очекува да заигра на почетокот на декември.

Новинарот Фабрицио Романо објави дека Јамал ќе се врати на теренот во декември, па најверојатниот првиот настап по паузата ќе му биде по Мајорка.

Според прогнозите, ѕвездата на Барселона ќе ги пропушти дуелите против Селта виго и Лас Палмас во Ла Лига, како и со Брест во Лигата на шампиони.