Пресврт: Дербито за скудетото во Италија ќе се игра со публика на трибините?
„Спорт Италија“ пишува дека од Ломбардија соопштиле дека ситуацијата со коронавирусот во Италија се проценува во моментов и до сабота ќе биде донесена одлука за средбите од италијанскиот шампионат.
„Се надеваме дека ширењето на вирусот го губи налетот и дека секој навивач би можел од трибините да го гледа италијанското дерби меѓу Јувентус и Интер. Немам дилема дека ова ќе заврши позитивно. Ќе провериме детално и во сабота ќе ја донесеме одлуката“, пишува во соопштението.
Јувентус и Интер играат дерби, кое е од голема важност за титулата во Серија А, со оглед на тоа дека тие два тима, покрај Лацио, се борат за Скудетото.