Палиња потпиша за Баерн Минхен: Конечно ми се оствари сонот

11 јули 2024 - 10:54

Поранешниот германски шампион Баерн Минхен зад себе има сезона за заборав и поради тоа најави голем ремонт ова лето и ангажирање на неколку звучни имиња со цел да се врати на врвот на Бундеслигата.

Баерн Минхен денеска конечно го потврди трансферот на португалскиот репрезентативец ЖОао Палиња кој доаѓа од Фулам во трансфер вреден 50 милиони евра.

„Ова е еден од најсреќните денови во мојот живот. Конечно ми се оствари сонот да заиграм за Баерн. Ќе дадам сè од себе за да помогнам во освојување на титули со клубот“, кажа Палиња.

Португалецот досега во кариерата играше за Спортинг Лисабон, Мореиренсе, Белененсес, Брага и Фулам.