ОФИЦИЈАЛНО: Џеј Пи Морган е инвеститорот за Суперлигата - буџетот е „боли глава“

19 април 2021 - 11:22

Американскиот банкарски гигант е инвестирот во новоформираната Европска Суперлига во која ќе учествуваат 12 елитни клубови. Банката ја потврди оваа информација за „Ројтерс“. 

Американците ќе инвестираат дури шест милијарди евра во лигата за нејзиното формирање. Клубовите ќе имаат огромен буџет на располагање, а првичните шпекулации се дека секој тим само за учество во лигата ќе добие по 350 милиони евра. 

Тука не се вметнати и дополнителните пари од тв-правата и маркетингот, како и наградата за конечниот пласман во Суперлигата. Победникот може да инкасира и награда од 120 милиони евра.

Ова секако се неверојатни суми на пари, кои се преседан во светскиот фудбал.