Николов го напушта Борац Бања Лука - ќе си бара нов клуб!

12 јуни 2025 - 20:49

Борац Бања Лука преку социјалните мрежи соопшти дека македонскиот интернационалец Бобан Николов си заминува од босанскиот клуб.

Николов имаше договор до крај на сезоната со Борац Бања Лука, а не стави потпис на нов, па поради тоа ќе си бара друг предизвик во кариерата.

Македонскиот интернационалец минатата сезона настапи на 41 меч во сите натпреварувања, а притоа запиша три асистенции.

Искусниот фудбалер во кариерата играше за Лече, Шериф, Кишварда, Вардар и други екипи.

,Фото: FK BORAC Banja Luka