Никој како Роналдо: Ѕвездата на Јувентус испиша нова историја во фудбалот

04 декември 2019 - 08:20

Кристијано Роналдо во понеделникот можеби не ја доби „Златната топка“ за најдобар светски фудбалер што ја доделува „Франс фудбал“, но затоа во Италија беше одликуван за најдобар фудбалер во Серија А за изминатата сезона (2018/2019).

Со ова Португалецот испиша нова историја во фудбалот, бидејќи стана единствениот фудбалер што некогаш освоил награда за најдобар фудбалер во Премиерлигата, Ла Лига и Серија А.

Роналдо во дресот на Манчестер јунајтед беше прогласен за најдобар фудбалер во Премиерлигата во две сезони (2006/2007 и 2007/2008). Кога играше за Реал Мадрид за најдобар играч во Ла Лига беше прогласен во сезоната 2014/2015.