„Мурињо скока како мајмун, зошто дојде во Турција?“ (ВИДЕО)

Жозе Мурињо направи скандал по дербито меѓу Фенербахче и Галатасарај во турскиот Куп, по што поранешниот фудбалер Нихат Кавечи даде коментар.

Мурињо го фати Окан Бурук за нос по мечот на турските гиганти и поради тоа му се заканува казна, а Нихат прашува зошто Португалецот воопшто потпишал за Фенербахче.

„Навивачи на Фенербахче, ве молам поставете му го ова прашање. Зошто дојде? Прашајте го вашиот тренер. Исмаил освои 99 бодови, зошто замина? Мурињо доаѓа тука и го фаќа ривалот за нос. Мурињо скока како мајмун и цела заедница на Фенербахче го поддржува“, вели Нихат.