Мурињо дрско му врати на Солшер за сеирот со скопските стативи!

Менаџерот на Манчестер јунајтед вчера го пецна Португалецот со интересна изјава, откако Брајтон дури пет пати ја погоди рамката од голот на „ѓаволите“.

„Среќа што не беше тука Мурињо да ги измери стативите, инаку ќе бевме во неволја“, рече Солшер алудирајќи на она што се случуваше пред мечот помеѓу Шкендија и Тотнем во Скопје, кога Мурињо побара да бидат подесени стативите на арената „Тодор Проески“.

„Мислам дека не мора да се грижи за големината на голот, туку за големината на шеснаесетникот... тој не игра во казнен простор од 16 метри, туку од 20 метри“, одговори Мурињо на провокацијата. 

„Специјалниот“ сака да го испровоцира Норвежанецот, бидејќи Јунајтед често добива пенали од судиите.