Милан во Чикаго го совлада некомплетниот Реал (ВИДЕО)

01 август 2024 - 08:39

Најтрофејните екипи во Лигата на шампионите се сретнаа синоќа во пријателски меч во Чикаго, во рамките на подготовките за новата сезона.

Милан го победи Реал со 1-0 благодарение на голот на Чуквуезе во 55. минута со тоа што „кралскиот клуб“ уште е некомплетен бидејќи ги нема првите ѕвезди на екипата Мбапе, Винисиус и Белингам.

Интересно е што ова е прв пораз за Реал, макар и на неофицијален меч, по пауза од шест месеци откако загуби во јануари од Атлетико во осминафиналето на Копа дел Реј. Што се однесува до Милан, ова е втор триумф за него за време на подготовките во САД, по триумфот против Манчестер Сити со 3-2.