Милан со пресврт оствари триумф на гости кај Комо (ВИДЕО)

14 јануари 2025 - 20:33

Италијанскиот гигант Милан славеше со 2-1 против Комо и им се врати на победите во Серија А по две ремија по ред во шампионатот.

По првото полувреме во кое мируваа мрежите, Комо го отвори резултатот со прекрасен погодок на Диао во 60. минута.

Милан се разбуди по голот на домаќините, па набрзо погоди преку Тео Ернандез за 1-1, а потоа стрелаше и Рафаел Леао за целосен пресврт.

„Росонерите“ во моментов се наоѓаат на седмата позиција со 31 бод по 19 одиграни меча во Серија А.