Милан преку Леао и Хименез го реши Емполи (ВИДЕО)

08 февруари 2025 - 19:57

Фудбалерите на Милан триумфираа со 2-0 против Емполи во 24. коло од Серија А, па така им се приближија на екипите кои се борат за место во топ-4 во првенството.

Првото полувреме помина без погодоци, по што Милан остана со фудбалер помалку во вториот дел откако Томори доби втор жолт картон. Набрзо и домаќинот доби црвен картон, кога Марианучи направи лош потег и удри противник.

Леао набрзо го отвори резултатот и погоди за 1-0, по што Хименез стрелаше за победа на „росонерите“ од 2-0.

Милан се наоѓа на седмата позиција во Серија А со 38 бодови, односно пет помалку од Јувентус кој е на четвртото место кое води во Лига на шампиони.