Меси сака во наредните денови да донесе одлука за својата иднина

Меси нема да продолжи во ПСЖ, дилемата е дали да се врати во Барселона или да ги прифати милионите од Саудиска Арабија.

Аргентинецот се уште нема добиено конкретна понуда од Барселона која треба прво да ги среди проблемите со финансискиот фер плеј, па да види колку ќе може да му понуди.

Ал Хилал уште од април му има доставено рекордна понуда на Меси, со неа тој би бил најплатениот фудбалер во светот.

Меси не сака да се одолговлекува одлуката за неговата иднина, сака колку што е можно побрзо да се реши прашањето и да има мирно лето, без притисок и шпекулации.