Меси бил во Барселона да го потпише договорот, па останал шокиран дека сѐ пропаднало!
Каталонија прсна во плач поради заминувањето на Меси, а Аргентинецот од завчера бил во Каталонија и вчера требало да биде официјализирана соработката, арно ама наместо потпис се случила катаклизма. Како што објави шпанскиот новинар Феран Мартинез и самиот Меси бил шокиран кога му било соопштено дека договорот пропаѓа, а истото го објави и „гуруто за трансфери“ Фабрицио Романо.
„Меси е во шок! Вчера дојде во Барселона зашто денеска требаше да го потпише договорот со Барселона, со која претходните недели веќе имаше начелен договор, а сега треба да си оди. Лео сега сака да се прости од Каталонците, но тоа денеска нема да се случи. Прво сака да размисли сѐ за случувањата и да анализира што понатаму“, објавил Мартинез, инаку новинар на „Ел Мундо Депортиво“, најпознатиот спортски весник од Каталонија и ептен близок до Барса.
Messi está en shock. Ayer llegó porque hoy tenía que firmar su nuevo contrato con el Barça, con quien tenía principio de acuerdo hace semanas. Y está fuera
— Ferran Martínez (@martinezferran) August 5, 2021
Leo quiere despedirse de los culés, pero no será hoy. Primero quiere digerir este nuevo escenario y analizar cómo hacerlo https://t.co/ExnfHEupaQ
Романо, пак, синоќа објави дека Меси директно од Жоан Лапорта бил информиран за блокадата за регистрација на трансферот, што Аргентинецот ја цени големата искреност на првиот човек на Каталонците, а проблемот за регистрацијата не е само за него, туку и за други фудбалери.
Според Романо, Меси веќе почнал преговори со Пари Сен Жермен, нешто што најавија и дел од француските новинари, но угледниот „Ле Паризиен“ посочува дека во моментов парижаните имаат едно погорливо прашање, како да го задржат Килијан Мбапе, што е дополнително оптеретување во делот за ангажман на Меси.
Messi was in Barcelona to sign the contract ?゚ヌᄋ
— Fabrizio Romano (@FabrizioRomano) August 5, 2021
No tension - total agreement & announcement scheduled.
Barça told Leo they’re blocked by La Liga & not able to sign now.
Issues also with other players.
Messi appreciated Laporta’s honesty.
PSG already started direct contacts ?゚ヌᄋ pic.twitter.com/O0BBEZYU57
„Мундо Депортиво“, пак, потенцира дека Меси веќе одбил три големи понуди зашто бил сигурен во останувањето во Барселона, но сега САД и Катар се појавуваат како опции за неговата иднина. Манчестер сити после ангажманот на Џек Грилиш за премиерлигашки рекорд од 100 милиони фунти и најавеното можно подобрување на рекордот ако го земат Хери Кејн од Тотнем, практично не ни влегуваат во трка за Меси, а ПСЖ е најголем фаворит во моментов за аргентинската суперѕвезда.
За денеска во 11 часот, Лапорта, пак, веќе закажал прес-конференција на која во детали ќе објасни сѐ околу случајот со Меси.