Масовна тепачка меѓу Романци и Албанци пред „Камп Ноу“

12 октомври 2024 - 07:20

Работниците кои биле ангажирани на реновирање на стадионот на Барселона во петокот предизвикале масовна тепачка во која шест лица се здобиле со повреди

Шпанските медиуми пишуваат дека романски и албански работници се степале на градилиштето, а инцидентот се случил околу 14.30 часот, кога 20 лица почнале физичка пресметка поради непозната причина.

Полицијата веднаш пристигнала пред стадионот на Барселона и ги идентификувала учесниците во хаосот.

Медиумите пишуваат дека шест работници биле полесно повредени и пренесени во болница, а сите 20 лица добиле откази по хаосот.