Манчестер Сити не се предава: Гигантот имал докази со кои ќе ја урне пресудата

17 октомври 2026 - 07:20

Манчестер Сити продолжува да се бори против пресудата со која беше прогласен за виновен за сериозни прекршувања на финансиските правила на Премиер-лигата.

Англискиот клуб верува дека располага со докази со кои може да ги оспори обвинувањата на независната комисија и да избегне тешка санкција.

Според информациите на британски „Телеграф“, правниот тим на Сити смета дека во пресудата има суштински грешки во толкувањето на финансиските податоци и комерцијалните договори.

Клубот поднесе жалба и бара повторно разгледување на документите, сметководствените записи, договорите поврзани со владата на Абу Даби и исказите на сведоците.

Како дел од одбраната, Сити наводно ќе се повика на банкарски изводи, официјална државна документација и потврди од спорниот период.

Да потсетиме, Независната комисија претходно го прогласи Сити за виновен за прекршувања на финансиските правила во периодот од сезоната 2009/10 до 2017/18

Фото: Facebook/Manchester City