Ливерпул со повеќе пари ќе го убедува Салах да остане на „Енфилд“

03 април 2025 - 10:24

Долго време трае сапуницата меѓу Ливерпул и египетскиот фудбалер Мохамед Салах, кој има договор до крајот на сезоната.

Англиските новинари објавија дека премиерлигашот решил да му даде поголема плата на Салах за да го убеди да остане.

Салах веќе имаше неколку понуди, меѓу кои и од Саудиска Арабија, која изгледаше како најпривлечно место за египетскиот фудбалер, меѓутоа Ливерпул нема да се предаде до крај.

Според шпекулациите, Ливерпул му понудил двегодишен договор на Салах со повисока плата од актуелната, но засега не открива детали.