Лил призна дека не е во можност да го задржи Пепе

23 април 2019 - 13:52

Никола Пепе е најзборуваниот фудбалер кога станува збор за трансферите во летниот преоден рок. Крилниот напаѓач сезонава експлодира во дресот на Лил и за него се заинтересирани европските великани.

Во еден момент Челси беше најблиску до него, „сините“ го гледаа како замена за Еден Азар. Сепак, по се изгледа Пепе ќе потпише за Ливерпул. Клубот од „енфилд“ е подготвен да издвои 70 милиони евра за фудбалерот на Лил. Во францускиот клуб се свесни дека нема да можат да ги задржат најдобрите фудбалери.

„Четири или пет стандардни фудбалери ќе не напуштат летово. Пепе е еден од нив“, краток беше претседателот второпласианиот тим во Лига 1, Жерар Лопез.