Легенда на Атлетик Билбао: Би играл бесплатно за Реал Мадрид

28 септември 2022 - 21:19

Легендарниот фудбалер на Атлетик Билбао, Фернандо Љоренте не мисли на крај на кариерата, иако има 38 години, а притоа кажа дека за Реал Мадрид би играл целосно бесплатно.

Љоренте имаше неколку шанси да го облече дресот на „кралевите“, но сепак тоа не се случи.

„Кога и да ме сакаше Реал, имав договор со Атлетик Билбао и не сакаа да ме пуштат. Тренирам и барам нешто интересно во моментов. Би сакал да играм за Реал Мадрид, тоа е најдобриот клуб во светот. Ако ме повика Анчелоти да бидам замена за Бензема, би играл целосно бесплатно“, вели тој.