Јувентус само во првата половина од оваа сезона има страшна загуба од 113 милиони евра

Јувентус објави дека ланската сезона ги довела во минуд од 50 милиони евра, но половина од таа сезона се играше во нормални услови, до локдаунот во март и потоа рестартот без гледачи во јуни.

Но, сега поради продолениот ефект на ковид-19, затворените стадиони, „старата дама“ целосно ги трпи штетите што светската здравствена криза ги направи во фудбалот и во финансиите на најбогатиот италијански клуб.

„Во моментов, целата сезона е под влијание на ефектот од коронавирусот, што значи дека загубите ќе ни бидат ужасни“, објави Јувентус.

Ова значи дека „старата дама“ можно е да надмине и над 200 милиони евра загуби за оваа сезона, зашто стадионите остануваат заклучени до крај, а со тоа и приходите ќе се намалуваат.

Во минатата година, Јувентус имаше пад на приходите од322,3 милиони евра на 258,3 милиони евра.