Нов европски предизвик за МЗТ: Аеродромци во Солун ќе ја бараат првата победа

11 ноември 2026 - 12:46

Македонскиот шампион МЗТ Скопје денеска ги очекува нов европски предизвик и гостување кај грчки Ираклис во рамките на шестото коло од групната фаза во ФИБА Европа купот, во меч во кој ќе се обиде да стигне до првата победа во ова натпреварување сезонава.

„Штрковите“  ги загубија сите пет досегашни натпревари во групата, а со тоа и шансите за пласман на едно од првите две места кои водат во топ-16 фазата. Последниот пораз дојде на гостувањето кај Џики Варшава, каде што МЗТ беше убедливо совладан со 89-66. Претходно, МЗТ загуби и од АЕК Ларнака (69-85), Вирцбург (73-87), Тарту (92-95) и токму од Ираклис (59-64), во првиот меѓусебен дуел одигран во Скопје.

Сега предизвикот е уште потежок ако се земе предвид дека Ираклис има три победи и два порази, а во последните два натпревара забележа триумфи над АЕК Ларнака (81-64) и Миконос (95-64).

Дуелот за МЗТ ќе биде и генерална проба пред „вечното“ дерби против Работнички кое е на програмата в понеделник. Првиот меч против грчкиот тим покажа дека разликата во квалитет можеби и не е толку голема, па нашиот шампион  ќе се обиде да ја спаси својата чест и да дојде до првата победа.

Терминот за натпреварот во салата „Иванофио“ во Солун е 18:30 часот.