Јувентус активен во финишот на преодниот рок - донесе две засилувања од Премиер лигата

Во Торино пристигнаа германскиот репрезентативец Ник Волтемаде и сенегалскиот играч за врска Папе Матар Сар, двајцата на едногодишна позајмица.

Волтемаде доаѓа од Њукасл, каде што минатото лето пристигна од Штутгарт. 24-годишниот напаѓач во Јувентус ќе се обиде да добие поголема минутажа и поважна улога во тимот. За неговата позајмица Јувентус ќе плати меѓу 2,8 и четири милиони евра, зависно од бонусите, а клубот ќе ја преземе и целата негова плата. Во договорот нема опција ниту обврска за откуп на неговиот договор.

Покрај Волтемаде, „Старата дама“ го ангажираше и Папе Матар Сар од Тотенхем. Сенегалецот, исто така, ќе ја помине следната сезона во Торино, но Јувентус има можност да го откупи неговиот договор на крајот од позајмицата. За позајмицата на 23-годишниот играч за врска, Јувентус ќе плати 2,5 милиони евра, додека откупната клаузула е поставена на 27,5 милиони евра.

Со овие два трансфери, Јувентус дополнително го засили составот за продолжението на сезоната. Волтемаде треба да биде уште една опција во нападот, додека Сар ќе ја зголеми конкуренцијата во средниот ред.