Изненадувачки кандидат за „кралската“ клупа - Жозе Мурињо

14 април 2025 - 17:40

Трофејниот португалски стручњак Жозе Мурињо неочекувано влезе на листата на кандидати за тренерската позиција во Реал, тврдат дека медиумите во Шпанија.

Наводно, Флорентино Перез веќе стапил во контакт со него, а ваквата идеја им се допаѓа на навивачите кои се уште го обожаваат Мурињо. Тој беше тренер на Реал во периодот од 2010 до 2013 година и освои по еден трофеј во Ла Лига, Копа дел Реј и Суперкупот на Шпанија.

Сепак, Португалецот е само „План Б“ на Реал бидејќи ако биде прекината соработката со Анчелоти, главен фаворит за позицијата е Чаби Алонсо.