Ибрахимовиќ: Мојот наследник треба да биде силен како Тајсон, да танцува како Али и ја има брзината на Брус Ли

11 јули 2020 - 17:38

Златан Ибрахимовиќ во последно време е се поактуелен поради своите изјави, отколку на теренот. Тој го фати ритамот и сега ги пополнува колоните на италијанскиот и европскиот печат со бомбастични изјави секој ден.

Апенините пишуваат околу неговата средба со претседателот на Милан, на која Швеѓанецот бил суров, велејќи дека тимот не е каков што бил порано и дека ќе беа шампиони ако го доведоа порано.

Овој пат Ибракадабра зборуваше за дискусијата со Иван Газидис.

Не излезе ниту 10 проценти од тоа што се случи, рече Златан, алудирајќи на кавгата со првиот човек на клубот, па додаде: „Отидов на интервјуто не во мое име, туку во име на тимот, искрено да кажам каква е ситуацијата“.

Со оглед на тоа што уредно го исплука и идниот тренер на Милан, Ралф Рангник, велејќи дека не слушнал за него, јасно е дека деновите на Ибра на „Сан Сиро“ се одброени.

На прашањето дали на повидок е негов наследник, Ибра одговори во свој стил.

Се надевам така, но тешко е. Барем не го гледам. Напаѓач со ужасна техника со скоро два метри. Со сила на Тајсон, танц на Мухамед Али и брзината на Брус Ли. Не го гледам тоа.

Златан се осврна и на понудата одчленот на втората лига, Монца, предводена од Берлускони и Галијани, велејќи дека тие го повикале, но тој не откри дали ќе се пресели таму.