Халанд е страшен оваа сезона, но во Англија има играч кој постигнува многу повеќе голови од него!

Специјализираната агенција за статистика, „Опта“ излезе со податок за тоа кој е најдобар стрелец во првите пет англиски лиги, тоа не е Ерлинг Халанд.

Статистиката се однесува за најдобриот стрелец во првите пет англиски лиги оваа сезона, но без погодоци постигнати од пенал.

Далеку пред сите е фудбалерот на Нотс Каунти, Меколи Лангстаф. Тој оваа сезона во Националната лига (петта лига во Англија), има постигнато дури 39 погодоци.

Втор е Ерлинг Халанд со дури 16 голови помалку од него, Норвежанецот има 23, а само еден помалку од него има Пол Мулин кој настапува за Врексам.