Голманот на ПСЖ добил удар од коњ, следните 48 часа се клучни!

29 мај 2023 - 12:35

Резервниот голман на францускиот шампион ПСЖ, Серхио Рико доживеа тешка несреќа во Шпанија, откако доби удар од коњ и беше пренесен во болница во критична состојба.

Рико, по освоената титула со ПСЖ, заминал за Шпанија со дозвола од клубот, а неговото семејство ги открива деталите.

„Рико замина во Малага по освоената титула. Потоа со коњ тргна на пат кон Понтификал, но доживеа несреќа и доби удар од животното. Серхио е во добри раце и се бори да оздрави. Мора да бидеме претпазливи, клучни се следните 48 часа“, објави семејството на голманот.