Фудбалерите на Барса на гости кај Меси, по ручекот се пееше „Шампиони, шампиони“ (ВИДЕО)

03 мај 2021 - 21:48

Најдобриот фудбалер на Барселона, Лионел Меси, ги собра сите фудбалери од првиот тим на ручек во својата вила, со цел да се прослави големата победа над Валенсија (3-2) и да се продлабочи тимскиот дух во пресрет на клучните битки за титулата во Шпанија.

Радоста, но и сигурно солидното количество на вино, придонесе по неколку часа атмосферата да се вжешти, а од домот на Аргентинецот да се слуша како на цел глас се пее песната „Шампиони, шампиони“. Доказ за сплотеноста на Каталонците, пред можеби најважниот меч в недела против Атлетико Мадрид.

„Јорганџиите“ во моментов се лидери со 76 бодови, додека Барса и Реал Мадрид имаат по два помалку.