Бројките велат: Реал Мадрид сезонава не може без Мбапе

07 декември 2025 - 15:52

Реал Мадрид вечерва го игра натпреварот против Селта Виго во рамките од 16. коло во Ла Лига и со победа може да дојде до бод заостанување зад Барселона (40), но прашње е каде би биле „кралевите“, ако Мбапе не играше во одлична форма од стартот на сезоната.

Имено, Реал Мадрид од почетокот на сезонанта вкупно постигна 32 гола, а дури 16, половина се дело на Мбапе. Покрај погодоците, Французинот има и уште четири асистенции, па така директно бил вклучен и во повеќе од половина погодоци на „кралевите“.

Втор стрелц далеку зад него е Бразилецот Винисиус Жуниор кој сезонава има пет гола и четири асистенции.

За разлика од Реал Мадрид, Барселона нема фудбалер од кој толку многу зависи сезонава бидејќи најдобар стрелец е Феран Торес со 11 гола, Левандовски е на осум, а Јамал е трет стрелец со шест погодоци. Каталонците и се многу поефикасни од ривлаите од Мадрид бидејќи постигнаа вкупно 47 погодоци.