Бернардо Силва и Грилиш спречија нова бламажа на Сити (ВИДЕО)

10 декември 2023 - 17:11

Манчестер Сити ја прекина серијата од четири натпревари без победа откако денеска, потешко од очекувањата, како гостин го совлада Лутон со 2-1.

 

 

Пеп Гвардиола имаше многу низа кадровски проблеми, меѓу другото не можеше да смета ни на Ерлинг Халанд, но ситуацијата во второто полувреме ја спасија Бернанрдо Силва и Грилиш кои од 62. до 65. минута постигнаа по еден гол и се погрижија за пресврт и победа. Лутон го заврши првиот дел со предност од 1-0, благодарение на погодокот на Адебајо во судиското продолжение.

 

 

На другите два меча од Премиер лигата што се играа попладнево, Фулам го прегази градскиот ривал Вест Хем со 5-0, а Евертон славеше против Челси со 2-0. За „карамелите“, тоа беше трета победа во низа и четврта во последните пет кола со што се одлепи од зоната за испаѓање по казната од десет бода.