Австриски фудбалер има подобро градено тело дури и од – Роналдо!

03 февруари 2022 - 17:45

Австриецот во дресот на Ница, Флавиус Данилиук иако има само 20 години, дефинитивно може да му парира на неверојатниот Кристијано Роналдо, барем во градбата на телото и процентот на масти, во што Португалецот досега беше доминантен во светскиот фудбал.

Фудбалерот на Манчестер Јунајтед важи за еден од најподготвените со само седум -отсто масти во телото, но тоа е речиси двојно повеќе во однос на Данилиук, кому му се измерени само 4,3-отсто масти во целото тело. Колку за илустрација, како професионалните фудбалери овој просек изнесува околу 10-отсто.

„Тој е одличен. Добар е, млад и неговото тело брзо согорува масти. Напорно вежба со тегови, а ги цени и тренинзите за брзина и сила. Ми се допаѓаат неговите мускули“, изјави познатиот германски бодибилдер, Ралф Молер.

Флавиус има настапувано за младите категории на Реал Мадрид и Баерн Минхен, а во 2018 година беше сместен меѓу 60. најголеми таленти во светскиот фудбал. Тој пред две години потпиша за Ница, а неговата вредност во моментов изнесува седум милиони евра. За него зимава заинтересиран беше Вест Хем.