Арсенал продолжува со очајните игри: Вулверхемптон победнички во Лондон (ВИДЕО)
Сите голови беа постигнати во првото полувреме во кое се случи и еден немил инцидент. Давид Луиз и Раул Хименез се судрија глава со глава, по што Мексиканецот го извлече подебелиот крај. Голгетерот на Вулфс мораше да биде изнесен на носилки и беше испратен во болница, додека Луиз го продолжи натпреварот.
Педро Нето го постигна водечкиот гол за гостите во 27-та минута, а само три минути подоцна дефанзивецот Габриел израмни на 1-1. Даниел Поденсе во финишот на првиот дел погоди за победа од 1-2.
За Арсенал ова е четврти пораз на последните шест натпревари, а има и една победа и едно реми. „Топчиите“ сега се на 14.место на табелата со 13 бодови, додека Вулверхемптон е шести со 17 бодови.