Анчелоти помина два ипол часа во судница: Сè е во ред!

02 април 2025 - 15:23

Тренерот на Реал Мадрид, Карло Анчелоти беше присутен на почетокот на судењето за затајување на данок во Шпанија. Еден од најдобрите стратези во светот е обвинет дека ја оштетил државата за милион евра во период од 2014 до 2015 година.

Анчелоти помина два ипол часа во судница во Мадрид пред да излезе пред новинарите и да им каже дека сè е во ред и потоа замина со својот автомобил.

Обвинителите бараат затворска казна до четири години и девет месеци за 65-годишниот тренер, но Анчелоти веќе ги негираше сите обвинувања.

„Веќе ја платив казната, парите се кај нив, а сега адвокатите разговараат за решение на случајот. Да видиме што ќе каже судијата“, кажа Анчелоти во март.

Други спортисти, исто така, имаа проблеми со затајување на данок во Шпанија, меѓутоа ниту еден од нив не заврши во затвор.