Аморим: Рашфорд е голем талент, само треба да игра на највисоко ниво!

Аморим веднаш покажа цврста рака во Манчестер јунајтед и го изостави Рашфорд од мечот со Манчестер Сити. По натпреварот рече напаѓачот може да се врати во стартниот тим доколку работи напорно на тренинзите.

„На Јунајтед му треба голем талент и тој е голем талент, па потребно е само да игра на највисоко ниво. Тоа е мојот фокус. Сакам само да му помогнам на Маркус. Подобри сме со него“, вели Аморим.

„Ќе пробам различни работи за да го извадам најдоброто од Рашфорд, како што играше во минатото“.

Рашфорд вчера изјави дека му е потребен нов предизвик, па Аморим одговори и на тоа.

„Тој е во право. Ние имаме нов предизвик тука, најголем во фудбалот“.