Зошто ѝ е поништен гол на Брегалница во Струга? (ВИДЕО)

10 декември 2023 - 18:09

Струга ќе ја заврши годината на челната позиција на табелата во Првата македонска фудбалска лига, но ќе остане дамка од последниот натпревар одигран во „есенската“ полусезона.

Денеска актуелниот шампион ја победи Брегалница со 2-1, со гол на Компаоре во судиското продолжение, а веднаш потоа на гостите им беше поништен апсолутно регуларен погодок.

Веднаш по изведувањето од центар, штипјани ја затресоа противничката мрежа, јасно е дека не постои офсајд позиција, но помошниот судија сигнализираше такво нешто, а главниот арбитар прифати и трите бода останаа во Струга.