Тројцата најдобри судии ќе делат правда во недела на Вардар – Шкендија
Александар Ставрев ќе биде главен судија на кого ќе му помагаат Марјан Кировски и Дејан Костадинов, а како дополнителни судии зад головите ќе бидат Димитар Мечкаровски и Дејан Јакимовски. Сите овие на Националната Арена се очекува праведно и еднакво судење за двете екипи, сооглед дека станува збор за пресметка која може да биде клучна во трката за шампионската круна.
Вардар ја пречекува Шкендија со осум бода предност и триумф на најтрофејниот наш клуб ќе значи огромни 11 бода со кои ќе замине на зимска пауза и ќе ја стартува пролетната офанзива за круната во средина на февруари. Триумф за Шкендија би значело намалување на разликата на прифатливи пет бода, но и најава за суперинтересна пролет, додека реми ќе г остави на оваа дистанца во која сега се двата наши најдобри клубови, а веројатно многу посреќни би биле вардарци.
Со последното 18-то коло се спушта завесата на овој есенски дел од шампионатот, а покрај дербито за титула, на програмата се уште четири меча. В сабота од 13 часот во Кратово ќе играат Силекс и Академија Пандев, а ќе суди Константин Влахо. Во Тетово на пресметката Ренова – Работнички, кое е дерби за дното е делегиран Албрим Шаќири, во Струга на мечот Струга Трим Лум – Борец ќе свири Игор Стојчевски, додека на Чаир во малата скопска пресметка Шкупи – Македонија ЃП на центраот ќе биде Јосип Бартон.