Навивачите на Шкендија си го повредија капитенот: Бејтулаи настрада од „топовски удар“ (ВИДЕО)

05 декември 2021 - 15:28

Тешка победа запиша денеска Шкендија откако дури на четири минути пред крајот на мечот со гол на Јан Кривак го скрши последниот Пелистер за триумф со 2-1 и зацврстување на третото место, ама мечот го одбележа идиотскиот потег на домашните навивачи.

Откако Кривак погоди и фудбалерите на Шкендија тргнаа да се радуваат кон своите навивачи, еден „топовски удар“ експлодира толку пред нив, па настрада капитенот на црвено-црните и доскорешен македонски репрезентативец Егзон Бејтулаи, кој веднаш се стркала на теренот.