Европретставниците добија лиценци за Европа, меѓу нив и финалистите во Купот!

Три од четирите европретставници веќе обезбедија пласман, Шкупи во квалификациите за Лигата на шампионите, а Академија Пандев и Шкендија во квалификациите за Конференциската лига. Последниот патник ќе се знае после финалето во Купот на Македонија помеѓу Македонија ЃП и Силекс, на Националната Арена „Тодор Проески“ во Скопје во петок од 18 часот.

Но, како и да заврши пресметката, победникот секако ќе игра во Европа зашто и кратовци и ѓорчепетровци се на листата на клубови кои добија лиценци, а ФФМ објави дека вкупно осум клубови добиле лиценца за европски настап.

Покрај, Шкупи, Шкендија, Академија Пандев, Силекс и Македонија ЃП, од барањата за лиценци, добија и Ренова, Работнички и Струга Трим Лум.