Академија Пандев промовираше двајца поранешни репрезентативци

Двајцата искусни фудбалери се враќаат во домашното првенство по интернационалните предизвици. Последен клуб за Најденов беше ФК Искра од Црна Гора, а претходно играше и во Узбекистан во тимот на Навбахор. Фудбалерот од средниот ред се враќа во Академија Пандев по две години од каде си замина за да го облече дресот на Вардар. Претходно играше и за Хорисонт Турново, Работнички и Кожув во Македонија, а беше интернационалец и во Египет, Иран и Албанија. 

Цикарски исто така се враќа во редовите на струмичкиот тим по две години пауза. Левиот бек последните две сезони ги играше во дресот на Ботев Пловдив, а претходно беше дел и од Газ Метан од Романија, Пас Јанина од Грција и кипарски Етникос. Во домашното првенство играше и за Вардар и Работнички.