Зајков ќе си бара нов клуб – Левски не го сака повеќе Македонецот

Изненадувачка е одлуката на софискиот гигант зашто Зајков во есенскиот дел беше првотимец, даде и еден гол, а уште поголемо изненадување е што одлуката на Станимир Стоилов доаѓа кога екипата веќе е на подготовки во Турција, па сега според информациите уште денеска Зајков би можел да го напушти клупскиот хотел.

Стоилов и Зајков имале дваесет минутен разговор по кој одлуката била да се разделат, а македонскиот репрезентативец сега има низа понуди на маса за да ја продолжи кариерата и сега треба да избере каде ќе оди.

Стоперот во изминатата полусезона се врати во вистински ритам, зашто повеќе од две години не играше воопшто во белгиска Шарлоа.