Земјотрес во светскиот тенис: Медведев од мај ќе игра за Франција!?

Многумина помислија дека се работи за првоаприлска шега, но информацијата подоцна ја презедоа врвните руските медиуми, без да посочат дека станува збор за такво нешто. Покрај Медведев, за Франција во иднина треба да игра и новата тениска сензација во женска конкуренција Мира Андреева што дополнително ја возбуди руската тениска и спортска јавност.

Информацијата за Медведев и Андреева дојде еден ден откако Дарија Касаткина објави дека ја напушта Русија и во иднина ќе настапува како Австралијка. По тој повод се огласи и претседателот на Тениската федерација на Русија, Шамил Тарпишчев кој рече дека 20-тина тенисери и тенисерки од Русија почнале процедура за промена на државјанството. Тој тоа го изјави пред 1 април што дополнително дава значење на објавата на Кафелников.

Дека тука навистина има нешто, доказ е тоа што и Медведев и Андреева живеат во Франција, тој одамна, а таа, бидејќи е помлада, од пред неколку години. Базата на двајцата е Кан на Азурниот брег каде имаат одлични услови за тренинг, а воедно ги исполнуваат условите за добивање француско државјанство.