Синер се правда по допинг-скандалот: Не ги прекршив правилата!

30 септември 2024 - 19:56

Првиот тенисер на АТП-листата, Јаник Синер се пласира во полуфинале на турнирот во Пекинг, а потоа даде коментар за допинг-скандалот поради кој би можел да добие суспензија до две години.

Светската анти-допинг агенција (ВАДА) побара санкција за Синер, но италијанскиот тенисер вели дека не ги прекршил правилата.

„Ова не е ситуација во која сакам да бидам. Си повторувам дека не направив ништо погрешно, не ги прекршив правилата. Разочаран сум поради ова што се случува, но се обидува да останам фокусиран на предизвиците на теренот. Ова е тежок момент за мене, но и за мојот тим“, кажа Синер.

Синер двапати бил позитивен на допинг, но не доби суспензија откако Меѓународната агенција за интегритет во тенисот утврди дека Италијанецот имал контакт со супстанцата кклостебол при масажа од неговиот поранешен физиотерапевт.