Огромен скандал: Заразен американски тенисер организирал филмско бегство од Русија!

15 октомври 2020 - 09:51

Познатиот американски тенисер Сем Квери направи целосен хаос во Русија. Тој учествуваше на турнир во Санкт Петербург, меѓутоа за време на турнирот дознал дека има ковид-19 и морал да се повлече и следните две недели да ги мине во изолација во хотел со сопругата и бебето.

Американецот не сакал да го прифати тоа, па организирал бегство од Русија. Тој пронашол приватен авион и избегал од Санкт Петербург.

Квери се исплашил кога Русите му соопштиле дека мора да посети доктор и дека постои можност да заврши во болница, па во страв немал друг избор, освен да избега.

Уште не е познато во која земја заминал познатиот тенисер, а се сомнева дека е во некоја европска во која не е потребен негативен тест при влез.

Квери е под истрага на АТП, па се шпекулира дека би можел да добие жестока казна.