Ново изненадување во Дејвис купот: По Шпанија, испадна и селекцијата на САД!

21 ноември 2024 - 17:12

Завршницата на годишното издание на Дејвис куп носи големи изненадувања, а Австралија се најде во центарот на вниманието откако во четвртфиналето ја совлада фаворизираната селекција на САД (2-1).

Денот почна со спектакуларен меч помеѓу Бен Шелтон и Танаси Кокинакис, во кој Австралиецот славеше со 2-1 во сетови (1-6, 6-4, 7-6). Натпреварот, кој траеше два часа и 19 минути, го реши драматичниот тај-брејк во третиот сет. Кокинакис, рангиран како 77. на АТП листата, успеа да го надигра Шелтон, кој се наоѓа на 21. позиција, искористувајќи ја дури седмата меч-топка, откако претходно пропушти три, додека Шелтон имаше четири шанси за победа.

Во вториот дуел, Тејлор Фриц ја оправда улогата на фаворит, совладувајќи го Алекс де Минор со 6-3, 6-4 за само еден час и 11 минути. Сè беше одлучено во играта на двојки, каде што Метју Ебден и Џордан Томпсон беа подобри од Томи Пол и Бен Шелтон со 6-4, 6-4. Американскиот тим дојде до изненадувачки триумф, совладувајќи ги специјалистите за дубл - Остин Крајчек и Раџив Рам. Австралијците обезбедија победа со по еден решавачки брејк во двата сета.

Австралија во полуфиналето ќе се соочи со победникот од дуелот меѓу Италија и Аргентина, додека Холандија, која ја елиминираше Шпанија, ќе игра против Германија, која славеше над Канада.