Катастрофа на најдобриот во светот: Ѓоковиќ „исчистен“ за 67 минути!

Подобар од него во третото коло беше Алехандро Табило од Чиле, 32. светски тенисер кој победи со 2-0 (6-2, 6-3) за само 67 минути игра. Ѓоковиќ и на претходните турнири оваа сезона не личеше на себе, но денеска одигра катастрофален натпревар, еден од најлошите во својата кариера.

Голем придонес за тоа имаше и победниот Табило кој излезе на теренот полн со самодоверба, играше мошне сигурно и го надигра првиот светски рекет во секоја смисла. Иако наскоро ќе наполни 26 години, ова е негова убедливо најголема победа во неговата кариера.

Во осминафиналето, Табило ќе се сретне со рускиот тенисер Карен Хачанов, а Новак Ѓоковиќ ќе патува на „Ролан Гарос“ без ниедна титула оваа сезона.