Ивановски по долгата пауза му се враќа на тенисот – со помош на Новак Ѓоковиќ!

Тој оствари четири победи во исто толку меча во поединечна конкуренција против ривали од Молдавија, Косово, Грузија и Црна Гора, со што покажа дека е подготвен за враќање на турнирите. Ова беа први дуели за Ивановски по минатиот август, кога реши да ја прекине сезоната за да ги реши здравствените проблеми.

Колку е сериозен во желбата за враќање во добра форма е фактот што изминатиов период работеше со најголемиот на сите времиња, Новак Ѓоковиќ. Ова не е првпат да тренира со српската легенда, кој пред извесно време изјави дека би прифатил да одигра егзибициски дуел со Калин и тоа во Охрид.